ВУЧИЌ ПОЛОВИНА ПИЕ, ПОЛОВИНА „ШАРЦУ ДАЈЕ“ Сине, сакаш ли ти да пробаш наместо татко ти? (ВИДЕО)

Испробувањето на бројните вина на винскиот саем во Белград изгледа е тешка задача за лидерите на Отворен Балкан. Во видео објавено на ТикТок српскиот претседател Александар Вучиќ го повикува својот син да дегустира од чашата вино наместо него, а потоа и тој самиот пробува. Kорисникот напишал, „Вучиќ пола пие, пола шарцу даје“, алудирајќи на народната поговорка за Крале Марко и неговиот коњ Шарец.

@ferman_tikPola pije, pola Šarcu daje.♬ original sound – FERMAN

„Ката брате строфа“, напишал еден корисник под видеото. „Штета што не се тука другарите на син му да пробаат“, се пошегувал друг.

На снимката со чаши во рацете се гледаат и македонскиот премиер Ковачевски и неговиот колега Абазовиќ од Црна Гора. Абазовиќ му признал на Ковачевски дека во Црна Гора се пие „Тиквеш“ и дека „навистина сте познати по вината“, објави МИА.

На саемот Македонија учествува со над 300 свои ракии и вина.