📽 ВУЧИЌ ЈА ЗБУНИ ПУБЛИКАТА СО ЗНАМЕТО Српскиот претседател гледаше фудбал во Лесковац

Српскиот претседател Александар Вучиќ на фудбалскиот натпревар меѓу репрезентациите на Србија и Швајцарија од џебот извади  шал кој од едната страна личеше како српско, а од другата како руско знаме.

Во саботата на стадионот во Лесковац се одигра натпреварот од 3. коло од Лигата на нации, а на трибините меѓу другите се најдоа Вучиќ и Милорад Додик, првиот човек на Република Српска.

Токму Додик сподели видео на Икс, на кое се гледа како Вучиќ со громогласен аплауз го поздравува изведувањето на српската химна „Боже право“, а потоа извади шал од џебот.

Вучиќ во неколку наврати изјави дека го поддржува територијалниот интегритет на Украина, но ја отфрли можноста за воведување санкции кон Русија.

Вечерас смо срцем уз Србију. Напријед, “орлови”.🇷🇸 pic.twitter.com/qcurWGhX7b

— Милорад Додик (@MiloradDodik) October 12, 2024

Да потсетиме, Вучиќ минатата недела учествуваше на самитот Украина – Југоисточна Европа во Дубровник. На самитот дојде и украинскиот претседател Володимир Зеленски.

Интересно е тоа што фудбалската репрезентација на Србија стана првата европска селекција што гостуваше во Русија по почетокот на агресијата против Украина. Руската репрезентација во март годинава ги декласираше Србите во пријателски натпревар.

Конечниот резултат беше 4:0 за Русија.