Вртоглави бројки: Откриено колку чинат патувањата на британското кралско семејство

Иако досега никој не се занимаваше со тоа колку британските даночни обврзници ги чинат патувањата на членовите на кралското семејство во странство, но и ширум Велика Британија, порталот „GoBankingRates.com“ неодамна се позанимавал со тоа и изнел точни бројки во јавноста.

Целата студија не се занимавало со трошоците на патувањата на принцот Хари и војвотката Меган, кои биле на службени посети во Ирска, Африка, Австралија, Нов Зеланд, Фиџи, но еве колку чиниле патувањата на другите членови на кралското семејство.

Принцот Чарлс во Израел бил кон крајот на месец јануари на петтиот Светски форум за холокаустот. Чартер летовите од Абердин до аеродромот Бен Гурион и назад го направиле патувањето скапо. Вкупно – 100.000 долари.

Членовите на кралското семејство, принцот Вилијам и Кејт Мидлтон биле помеѓу илјадниците луѓе кои  отпатуваа во Франција во јуни, 2016 година за да се одбележи 100-годишнината од почетокот на Битката на Соми во Првата светска војна. Неколку одделни чартер летови се причината за високата цена на ова кратко патување преку Ла Манш. Вкупната цена на патувањето била 63.496 долари.

Чарлс и Камила имале преполн распоред во текот на своите официјални посети на Блискиот Исток. Парот имал околу 50 обврски во Оман, УАЕ и Бахреина помеѓу 4 и 11 ноември 2016 година. Ова патување чинело 96.224 долари.

Исто така и регионалните патувања во Велика Британија можат да бидат скапи. Принцот Чарлс со воз тргнал на пат, со многубројни запирања ширум Ланкашир и Јоркшир. Медиумите пресметале дека цената на патувањето на кралскиот воз достигнала приближно 126 долари по милја.