Вработените на кралицата Елизабета протестираат пред кралската палата

Вработените во британската кралска куќа ретко протестираат, но во вторникот тие се собраа против планираното намалување на бројот на вработени пред една од главните резиденции на британската кралица Елизабета – замокот Виндзор, објави нивниот синдикат.

Синдикатот ПЦС на Твитер објави фотографии од вработените кои протестираат против намалувањето на пензиите и отпуштањата пред главниот влез во дворецот.

ПЦС објави дека 200 вработени се вишок, а се планираат и намалување на пензиите. Вработените одржаа тивок протест со исечениот лик на кралот Хенри VIII.

„Кралот Хенри сечеше глави… сега тие сакаат да ни ги исечат работните места и пензиите“, пишуваше на транспарентот.

На помалку платените вработени во три кралски резиденции – замоците Виндзор, Бакингам и Холирод – им се намалени уплатите во пензиските фондови од 15 на осум отсто.

Фондацијата, која управува со замоците и 600 вработени, потврди дека се обидува да ги намали трошоците поради последиците од пандемијата.