(ВОЗНЕМИРУВАЧКО ВИДЕО) ДВЕ ДЕВОЈЧИЊА СЕ ДРЖАТ ЗА РАКА СО СВОЈАТА БАБА, ЧЕКАЈЌИ ЈА СМРТТА Трогателна приказна од урнатините во Мјанмар
Спасувачите успеале да ги лоцираат девојчињата и нивната баба, па со помош на чекан направиле мала дупка за да им обезбедат вода. Потоа морале да заминат за да донесат дополнителна опрема. Девојчињата, оставени сами, ја презеле иницијативата и со чеканот започнале да пробиваат премин за бегство.
Снимка од две девојчиња, заробени под урнатините заедно со својата повредена баба, доловува трогателен момент на борба за живот по разорниот земјотрес во Мјанмар.
Девојчињата, на возраст од 13 и од 16 години, останале затрупани додека се обидувале да побегнат од својот стан на шестиот кат во вториот најголем град во земјата, Мандалеј – кој се наоѓа блиску до епицентарот на потресот – и трчале кон скалите за итни случаи, објави Радио Слободна Азија.
Таткото на девојчињата првично помислил дека неговите ќерки и мајка му загинале, па објавил апел на социјалните мрежи за да се пронајдат нивните тела. Но, за среќа, тие биле живи и успеале да ги земат своите телефони пред да се урне зградата.
– Моите ќерки ги снимаа видеата мислејќи дека ако тие и нивната баба починат, можеби ќе им се најдат телефоните и родителите ќе видат што се случило – напишал таткото.
Тој додал дека слушале и други луѓе заробени под урнатините.
– Довикуваа одозгора и одоздола, но однадвор немаше звук. Како што минуваа часовите, тие се обесхрабрија и се држеа за рака со баба им, плачејќи – рекол тој.
По неколкучасовна драма, спасувачите успеале да ги лоцираат и со помош на чекан направиле мала дупка за да им обезбедат вода. Потоа морале да заминат за да донесат дополнителна опрема. Девојчињата, оставени сами, ја презеле иницијативата и со чеканот започнале да пробиваат премин за бегство.
– Сакаа да направат поголем отвор за баба им, но камењата беа преголеми и не можеа да ги поместат – се наведува во објавата на таткото.
Спасувачите се вратиле и успеале да ги извлечат девојчињата. Нивната 75-годишна баба имала потешкотии со дишењето и не можела да помине низ тесниот отвор, но и таа била спасена.
По спасувањето, ќерките му раскажале на својот татко што им се вртело низ глава.
– Во моментот кога се изгуби секаква надеж, ја наведнав главата во знак на почит и благодарност до Буда што ни овозможи да преживееме заедно – му рекла неговата ќерка.
2 girls and their grandmother keep calm while trapped under rubble in the Myanmar earthquake. They’ve been rescued, but many are still missing.
My heart aches imagining their terror—the crushing weight, the desperate gasps for air during Myanmar’s devastating earthquake. But… pic.twitter.com/QZTaybBTYj
— Yelisaveta Petrov (@YelisavetaPaUSA) March 31, 2025