ВОЗЕЛЕ БРЗО, ЗБОРУВАЛЕ ПО ТЕЛЕФОН И ПАРКИРАЛЕ КАДЕ ШТО ЌЕ СТИГНАТ Казнети се 773 возачи, 72 од нив немале возачка
Од МВР денеска соопштија дека најбројни се случаите на непрописно паркирање 225, потоа прекршоците по основ на движење со брзина, поголема од дозволената 120, а вчера е забележан и прилично висок број на прекршоци по основ на недавање на првенство на минување 51.
Во текот на вчерашните активности на полициските службеници од сите 8 сектори за внатрешни работи при Бирото за јавна безбедност на МВР, во поглед на засилените сообраќајни контроли за почитување на сообраќајните правила и прописи на патиштата низ државава, биле издадени 773 платни налози.
Од МВР денеска соопштија дека најбројни се случаите на непрописно паркирање 225, потоа прекршоците по основ на движење со брзина, поголема од дозволената 120, а вчера е забележан и прилично висок број на прекршоци по основ на недавање на првенство на минување 51.
Изречени биле 7 мерки за возење под дејство на алкохол, а прекршочни пријави заработиле 8 пешаци.
За неносење сигурносен појас, изречени се 69 санкции, 42 мерки за користење мобилен телефон, а во 72 случаи откриени се возачи што управувале возила без возачки дозволи.
Согласно Законот за возила од сообраќај биле исклучени од сообраќај 21 нерегистрирано возило како и седум технички неисправни возила.
Министерството за внатрешни работи продолжува со засилените мерки и активности во поглед на сообраќајната безбедност, а континуирано се реализираат и превентивни активности низ сите сектори за внатрешни работи во насока на укажувања и на апелирања до сите учесници во сообраќајот за целосно почитување на сообраќајните правила и прописи.