ВОЗЕЛЕ БЕЗ ДОЗВОЛА И СО ЗАБРАНА Полицијата приведе осум лица, еден бил и пијан
Осум возачи се приведени во текот на еден ден низ државата, седуммина за возење без дозвола и еден за управување со забрана и под дејство на алкохол. Против нив ќе следуваат пријави.
Осум возачи биле приведени во текот на вчерашниот ден во различни градови низ државата поради сериозни прекршоци во сообраќајот.
Седуммина од нив управувале возило без воопшто да поседуваат возачка дозвола. Двајца биле затекнати во Скопје, а по еден во Прилеп, Неготино, Тетово, Кочани и во Делчево.
Можеби ќе ве интересира
Дополнително, во Виница бил запрен возач кој управувал автомобил и покрај тоа што имал активна забрана за управување возило од Б категорија. Тој бил и под дејство на алкохол.
Сите лица се приведени во полициска станица, а против нив ќе следуваат соодветни пријави.
Надлежните потсетуваат дека возењето без дозвола, игнорирањето на забрана и управувањето под дејство на алкохол претставуваат сериозна опасност за сите учесници во сообраќајот.