🎥 ВОЗАЧОТ ЗАГИНАЛ, 12 СЕ ПОВРЕДЕНИ Сообраќајка со туристички автобус од Македонија во Италија

Тешка сообраќајка со автобус со туристи од Македонија денеска се случила во Италија, информираше Министерството за надворешни работи.

Несреќата се случила на автопатот меѓу градовите Асколи Пичено и Анкона.

Автобусот бил во сопственост на туристичка агенција од Македонија, при што на лице место починал возачот на автобусот, Р. И. (1965 година)  – македонски државјанин, додека полесно повредени се 12 патници од Македонија.

Од МНР велат дека преку Амбасадата во Рим остануваат во комуникација со надлежните италијански институции, кои работат на целосно расчистување на случајот.

Според италијанските медиуми, автобусот утрово околу 10 часот се судрил со два камиони на автопатот меѓу градовите Асколи Пичено и Анкона.

По судирот, едниот од камионите се запалил во тунел, a причините се’ уште се утврдуваат.

Македонските патници се пренесени во болница, пишуваат италијанските медиуми.

#AscoliPiceno, #incendio in galleria a Cupra Marittima, sulla A14: proseguono da parte dei #vigilidelfuoco lo spegnimento degli ultimi focolai e lo smassamento del materiale bruciato [#4aprile 16:30] pic.twitter.com/ODPk69LzB6

— Vigili del Fuoco (@vigilidelfuoco) April 4, 2024