ВОЗАЧОТ ВО МАГДЕБУРГ Е ОБВИНЕТ ЗА 5 УБИСТВА 200 лица се повредени во нападот на божикниот пазар
Убиени се четири жени на возраст од 45, 52, 67 и 75 години, како и едно деветгодишно момче
Германските власти го обвинија осомничениот за смртоносниот напад во петокот на божикниот пазар во источниот град Магдебург, во кој загинаа пет, а беа повредени 200, соопшти полицијата рано утринава, јави ДПА.
Осомничениот, кој е идентификуван како Талеб А. според германските закони за приватност, е обвинет за пет убиства, повеќекратни обиди за убиства и тешки телесни повреди на повеќе од едно лице.
Можеби ќе ве интересира
Се вели дека осомничениот ги користел лентите за итни случаи за да забрза низ божикниот пазар во петокот, прегазувајќи луѓе со голема брзина. Убиени се четири жени на возраст од 45, 52, 67 и 75 години, како и едно деветгодишно момче.
Тој останува во притвор, соопшти полицијата. Осомничениот синоќа бил изведен пред судија.