Возачот на ,,камионот на смртта” го призна убиството на 39 мигранти
Хјуз (40) се изјасни за виновен во Централниот кривичен суд во Лондон, пренесува АП.
Возачот на камион од Северна Ирска, Ронан Хјуз, денеска се изјасни за виновен за убиство со умисла на 39 лица, чии тела беа пронајдени минатата година во задниот дел на камион ладилник на југоистокот на Англија.
Хјуз (40) се изјасни за виновен во Централниот кривичен суд во Лондон, пренесува АП.
Тој, исто така, се изјасни за виновен за заговор за помош при нелегална имиграција на граѓани кои не се членки на ЕУ помеѓу 1 мај 2018 година и 24 октомври 2019 година, пренесува АП.
Друг возач на камион, Морис Робинсон, кој управувал со возилото кога било пронајдено во округот Есекс, веќе се изјасни за виновен за обвиненијата за убиство со умисла.
Третиот човек, Имон Харисон (23), исто така од Северна Ирска, се изјасни за невин за истите обвиненија, додаде Ројтерс.
Сите жртви од камионот со ладилник се Виетнамци, кои беа пронајдени на 23 октомври во задниот дел на камионот во индустриски парк во англискиот град Грејс.