ВОЗАЧ ОД СРБИЈА ПРЕГАЗИ ПЕШАК НА МАГИСТРАЛАТА КУМАНОВО-КРИВА ПАЛАНКА Загина 64-годишен жител на селото Облавце
Возило „пасат“ со српски регистарски ознаки управувано од В.Б.(47) од Србија удрило во пешакот Б.Д. (64) од селото Облавце, соопшти кумановската полиција.
Пешак загина на магистралниот пат Куманово-Крива Паланка, откако во него удрило возило управувано од државјанин на Србија, соопшти СВР Куманово.
„Денеска во 17.30 часот во СВР Куманово било пријавено дека на магистрален пат Куманово-Крива Паланка се случила сообраќајна несреќа. Возило „пасат“ со српски регистарски ознаки управувано од В.Б.(47) од Србија удрило во пешакот Б.Д. (64) од селото Облавце. Пешакот загинал на самото место“, соопшти кумановската полиција.
Можеби ќе ве интересира
Увид извршила екипа од СВР Куманово.
Сообраќајот на патот Куманово-Крива Паланка накратко беше во прекин во обете насоки.