ВОНРЕДНА ИНСПЕКЦИЈА ВО БАРДОВЦИ ПО СНИМКАТА СО ТЕПАЊЕТО Напаѓачите биле сторители на убиство и обид за убиство
Државниот здравствен и санитарен инспекторат (ДЗСИ) ќе направи вонредна инспекција по вознемирувачките снимки на социјалните мрежи на кои се гледа како „староседелци“ во Психијатриската болница Бардовци тепаат новодојден пациент, објави ТВ Телма. Издаден е налог за вонреден инспекциски надзор во ЈЗУ Психијатриска болница „Бардовци“ по што инспекторите ќе излезат во јавноста со соопштение.
Од Министерството за внатрешни работи (МВР) потврдиле дека случајот од „Бардовци“ е пријавен.
Директорот на ЈЗУ Психијатриската болница „Бардовци“ преку социјалните мрежи го потврди случајот и посочи дека напаѓачите се сместени во судското одделение, а тоа се лица кои сториле кривични дела „Убиство“ и „Обид за убиство“.
Деновиве се појавија вознемирувачки видеа на кои се гледа како пациенти хоспитализирани во психијатриската болница во земјава крвнички тепаат новодојден пациент.