Водовод со апел до скопјани: Не ја трошете водата непотребно
Од претпријатието нагласуваат особено да се избегнува непотребно трошење на водата за полевање бавчи и ниви.
Скопското јавно претпријатие „Водовод и канализација“ апелира до скопјани рационално и внимателно да ја користат водата во деновите со екстремно високи температури.
Од таму нагласуваат особено да се избегнува непотребно трошење на водата за полевање бавчи и ниви.
– Врз основа на податоците на Управата за хидрометеоролошки работи од каде што се најавуваат високи температури кои деновиве ќе достигнат и над 40 Целзиусови степени, како и податоците на ЈП „Водовод и канализација“ за зголемена потрошувачка на водата, апелираме до граѓаните на градот Скопје за рационално користење и употреба на водата, односно да се избегнува полевање поголеми површини и непотребно трошење на водата за време на топлите денови – се наведува во соопштението на скопското јавно претпријатие.