Во вулканите на Венера веројатно живеат вонземски бактерии

Вулкани на Венера кои урлаат и фрлаат фосфин гас можат да бидат сериозен знак за вонземски живот во форма на бактерии, сметаат американски истражувачи, пишува Футуризам. Кога се создава на Земјата, фосфинот е резултат на органски процеси и не постои причина зошто истото не би важело и за Венера. Бактериите се познати по тоа што можат да преживеат и на огромни температури,  каков што е пеколот на нашата планета-сосед.

Но, истовремено, друг тим од истражувачи од универзитетот Корнел, фрлил ладна вода врз таа хипотеза. Тие тврдат дека фосфинот е доказ за присуство на нешто сосема друго: експлозивна, вулканска активност – уште еден пресврт во десетгодишната потрага да се откријат многу мистерии на нашата соседна планета.

Дека на Венера има вулкани сугерираат и радарските слики кои ги направило леталото Магелан на НАСА, кога ја прелетало планетата во 1990 година. Необичните форми и геолошки карактеристички би можеле да се објаснат со присуство на магма и жешки ерупции.

– За жал, ние седиме тука со овие мали навестувања за вулканизам од сите овие докази, вклучително и фосфинот – изјави научникот Џонатан Лунин за New Scientist. – Не знаеме за што сѐ е способна Венера.

За среќа, и Европската вселенска агенција и НАСА неодамна објавија дека ќе лансираат вкупно три мисии за истражување на Венера во следните години. Можеби тогаш, ќе добиеме подобра идеја за тоа што се случува таму.