ВО ЈУЛИ ИНДУСТРИСКОТО ПРОИЗВОДСТВО ПОРАСНА ЗА 4,1% Еве кои индустрии придонесоа за растот

Индустриското производство во јули годинава е зголемено за 4,1% во однос на јули лани, а за 3% во периодот јануари – јули годинава споредено со истиот период од минатата година, објави денеска Државен завод за статистика.

Најголемо влијание врз порастот на индустриското производство во јули 2025 година, во однос на јули 2024 година, имаат одделите за производство на електрична опрема со 15,3 %, на машини и уреди, неспоменати на друго место со 4,6% и на моторни возила, приколки и полуприколки со 26,5%.

Во секторот Преработувачка индустрија, индустриското производство бележи пораст од 7%, а опаѓање во Рударство и вадење на камен опаѓање од 10,4 % и во Снабдување со електрична енергија, гас, пареа и климатизација од 7,5%.

Најголемо влијание врз порастот на индустриското производство во јули 2025 година, во однос на јули 2024 година, имаат одделите: Производство на фабрикувани метални производи, освен машини и опрема од 32% Производство на моторни возила, приколки и полуприколки со 26,5%,  Производство на компјутерски, електронски и оптички производи од 23,8%,  Производство на електрична опрема со 15,3% Производство на мебел од 15,2% и Производство на машини и уреди, неспоменати на друго место со 4,6%
Според главните индустриски групи, производството во јули 2025 година, во однос на јули  2024 година, бележи пораст кај Интермедијарни производи, освен енергија за 12,5%, Капитални производи за 18,6% и Трајни производи за широка потрошувачка за 2,9%, додека опаѓање бележи кај Енергија за 6,5 % и Нетрајни производи за широка потрошувачка за 8,5 %.