ВО СТАБИЛНА СОСТОЈБА СЕ ПОВРЕДЕНИТЕ КОИ СЕ ЛЕКУВААТ ВО БУГАРИЈА Најголем проблем за повредените е вдишувањето гасови
Во болниците во Софија, Варна и Пловдив се примени вкупно 15 лица, од кои само двајца се на возраст од 30 години, сите други се помлади, од кои 5 се под 18 години.
Состојбата на сите 15 повредени во пожарот во Кочани кои се хоспитализирани во Бугарија, е стабилна, изјави синоќа бугарскиот министер за здравство Силви Кирилов за БТВ.
Нивното лекување продолжува, а најголем проблем за повредените, како што посочи, е вдишувањето гасови за време на пожарот.
Можеби ќе ве интересира
– Имаме двајца екстубирани пациенти, можеме да кажеме дека се во добра општа состојба, а оние кои се на механичка вентилација се во тешка, но стабилна состојба – рече Кирилов.
Министерот Кирилов кажа дека во болниците во Софија, Варна и Пловдив се примени вкупно 15 лица, од кои само двајца се на возраст од 30 години, сите други се помлади, од кои 5 се под 18 години.