Во Швајцарија се отвора патот за вакцинација против ковид-19
Вакцинацијата на високоризичните групи низ Швајцарија ќе почне на 4 јануари.
Швајцарија ги доби своите први дози вакцина против коронавирус денеска, со што се отвори патот за вакцинација на населението во време кога стапија на сила ограничувачките мерки поради зголемениот број на нови инфекции.
Швајцарската агенција за лекови во саботата ја одобри вакцината на Фајзер/БиоНТех.
Првите 107.000 дози ќе одат во индивидуални кантони за вакцинирање на високоризични групи, вклучувајќи ги и оние над 75 години и оние со веќе постоечки медицински состојби.
Вакцинацијата на високоризичните групи низ Швајцарија ќе почне на 4 јануари.
Планирано е да се добиваат 250.000 дози месечно, а одобрувањето на другите вакцини што се разгледуваат во моментов ги зголемува надежите дека секој што сака да се вакцинира ќе може да го стори тоа до средината на 2021 година, соопштија швајцарските здравствени власти.
Бројот на случаи во Швајцарија надмина 400.000, со 6.000 смртни случаи, па затоа минатата недела владата донесе одлука да затвори ресторани за еден месец и ги повика своите жители да останат дома.