ВО САД ПОГУБЕН МЕНТАЛНО ЗАОСТАНАТ ЧОВЕК! Му беше вбризгана смртоносна инекција, а не помогнаа молбите ниту на Папата

Американската сојузна држава Мисури го погуби осудениот убиец Ернест Џонсон (61) откако и гувернерот Мајк Парсон и Врховниот суд одби да го помилува, и покрај молбите на многу луѓе, вклучително и папата Франциск, да не го сторат тоа, бидејќи човекот бил ментално заостанат.

Поротата го прогласи Џонсон за виновен за убиство на тројца работници на бензинска пумпа во 1994 година. Тој беше погубен со смртоносна доза на пентобарбитал, моќен барбитурат, која му беше инјектирана во затворот во градот Боне Тере.

Адвокатите на осудениот изјавија дека имале многу докази за неговата ментална ретардација.

– Во вторникот побаравме од Врховниот суд да ја прекине егзекуцијата затоа што ја крши уставната забрана за сурово казнување на лицата со ментална попреченост – велат тие.

Сепак, Врховниот суд ретко ги блокираше егзекуциите и го отфрли барањето на Џонсон во вторникот доцна попладне.

Инаку, Џонсон страдаше од фетален алкохолен синдром уште од раѓање, имаше слаби резултати на тестовите за интелигенција во текот на животот и се однесуваше како четиригодишно дете.

Неговото помилување прво го побара папата, а потоа и поранешниот гувернер на Мисури, Боб Холден, демократ, кој рече дека 20 луѓе биле погубени за време на неговиот мандат. Од друга страна, Парсон негираше помилување за, како што истакна, „брутално убиство“.

Поротата го прогласи Џонсон за виновен за претепување до смрт Мери Брачер, Мејбел Скрабс и Фред Џонс. За бруталните убиства тој користел чекан, шрафцигер и пиштол.