ВО ПРЕКИН Е СООБРАЌАЈОТ НА ПАТОТ ШТИП – НЕГОТИНО Причина за прекинот е пожарот на планината Серта

Од 21:10 часот сообраќајот на регионалниот пат Штип – Неготино кај клучка 21 км, е во прекин во двата правци поради пожар на планината Серта информира Авто мото сојузот.

Центарот за управување со кризи (ЦУК) соопшти дека се активни 8 пожари на отворено,  од кои 3 избувнале денеска, а 5 се уште се активни од претходно.

Во општина Неготино гори во атарот на село Калањево, во општина Ново Село на Огражден, а пожар има и на планината Кожуф кон Гевгелија. Пожар има иво прилепско Црнилиште како и во штипско меѓу селата Драгоево и Селце. Исто така пожар има во општина Конче, кај сeлата Горно и Долно Лаповиќ, а гори и кај велеѓкото село Јаболчиште.