Во новата „Јавна соба“ споделуваат и Срби

Ништо не допира до членовите на „Јавна соба“, кои се префрлија во друга група па и понатаму се споделуваат фотографии и клипови, а тука сега членуваат и државјани од Србија, информира Телма.

МВР веќе контактирало со српските колеги, а првичните официјални информации се дека во оваа група најмногу се споделуваат фотографии и видео клипови од жртви од Србија.

Од „Телеграм“ кој одбиува да соработува во делот на документирање и идентификување на членовите е побарано да ја затвори и оваа група.

Засега нема нови приведени во врска со овој скандал.

Од МВР велат дека имаат идентификувано уште членови на групата за кои се собираат докази пред да бидат приведени.