„ВОЈНА“ МЕЃУ АНЏЕЛИНА ЏОЛИ И ТАТКО Ѝ ЗА ИЗРАЕЛ Мојата ќерка не ја разбира Божјата чест

Таткото на актерката Анџелина Џоли, Џон Војт, во видео на мрежата X под името „Вистини и лаги“ остро ги осуди ставовите на неговата ќерка за војната меѓу Израел и Хамас и ја обвини дека шири лаги на социјалните мрежи.

Тој ја обвини за антиизраелските објави, за кои вели дека се лажни бидејќи верува дека „израелската армија мора да ја заштити својата почва“.

– Многу сум разочаран што мојата ќерка, како и многу други, не ја разбира Божјата чест, Божјата вистина. Станува збор за уништување на историјата на Божјата земја, Светата земја, еврејската земја. Ова е правда за Божјите деца на Светата земја. Израелската армија мора да ја заштити својата земја, својот народ. Ова е војна. Израел е нападнат со нехуман терор врз невини бебиња, мајки, татковци, дедовци и баби. Вие будалите го нарекувате Израел проблемот – рече тој.

Војт изјави дека Палестинците добиле огромна финансиска помош која не ја споделуваат со сопствениот народ.

Актерката неодамна на социјалните мрежи ја коментираше воената состојба меѓу Израел и Палестина и предизвика различни реакции во јавноста.

„Додека светот гледа, и со активна поддршка на многу влади, милионски палестински цивили – деца, жени, семејства се колективно казнети и дехуманизирани, додека им се ускратуваат храна, лекови и хуманитарна помош прекршувајќи го меѓународното право“, напиша таа.