Во Лондон вчера никој не починал од корона – вакцината дава резултати
Ова е втор пат како нема смртен случај во градот откако е почната вакцинацијата против ковид-19.
Ниеден смртен случај како последица на ковид-19 не е регистриран вчера во Лондон, Британија, јави Би-би-си повикувајќи се на официјални бројки.
Бројките на Заводот за јавно здравство Англија (PHE) за 28 март покажаа дека нема регистрирано смрт кај пациенти со ковид-19.
Ова е втор пат како нема смртен случај во градот откако е почната вакцинацијата против ковид-19.
Во јануари годинава имаше по двесте смртни случаи на ден во Лондон. Овој град кој беше епицентар на првиот бран лани, брои 12 отсто смртност од вкупната смртност во Британија.
Во текот на минатата недела, вкупниот број смртни случаи од коронавирусот во англискиот главен град изнесувал 14, пренесува Скај Њуз.
– Ниту еден смртен случај во Лондон е голем чекор, но е точно тоа – само чекор. Мора да продолжиме со програмата за вакцинација – рече еден од лекарите вработени во Заводот.
Од почетокот на пандемијата, во Лондон се регистрирани 708.000 позитивни на коронавирусот, од кои 15.000 починале во рок од 28 дена откако се тестирале.