ВО ЛАМАТА ФИФИ ЛЕЖИ ЛЕКОТ ЗА КОРОНА Спрејот со нано-тела ќе биде евтин и лесен за употреба

Терапијата за ковид-19, во која учествува и ламата Фифи, покажа дека има значаен потенцијал во раната фаза на тестирање. Тоа е третман направен од нано-тела, мали, поедноставни верзии на антитела, кои ламите и камилите природно ги произведуваат како одговор на инфекција.

Откако терапијата ќе биде тестирана на луѓе, велат научниците, може да се даде како едноставен спреј за нос – за лекување, па дури и за спречување на рана инфекција, пренесува Би-Би-Си.

Професорот Нејсмит, еден од водечките истражувачи и директор на Институтот „Розалинд Френклин“ во Оксфордшир, објасни дека глодарите заразени со корона, третирани со новиот спреј за нос, целосно се опоравуваат во рок од шест дена.

Третманот досега беше тестиран само на овие лабораториски животни.

Тамошното Министерство за здравство објави дека оваа терапија е меѓу најефикасните средства за неутрализирање на коронавирусот.

Оваа очигледна моќ во борбата против коронавирусот доаѓа од моќта со која нано-телата се врзуваат за вирусот. Исто како и нашите антитела, нано-телата се врзуваат за вируси и бактерии кои го напаѓаат нашето тело. Ова врзување во суштина значи инвазивен вирус со црвено знаменце, со цел да се овозможи остатокот од имунолошкиот оклоп на телото да ги уништи.

Нано-телата произведени од овие истражувачи, со помош на имунолошкиот систем на ламата, се врзуваат особено цврсто.

Со вакцинирање на ламата Фифи, со мал, незаразен дел од вирусниот протеин, научниците го стимулираа нејзиниот имунолошки систем да направи специјални молекули.

Потоа научниците внимателно ги избраа и ги прочистија најмоќните нано тела во примерокот од крв на Фифи, па ги пронајдоа оние што најдобро одговарале на вирусниот протеин, како клучот што најдобро одговара на одредена брава.

Тимот потоа успеа да израсне големи количини на специјално избрани, најмоќни молекули.

– Имунолошкиот систем е толку чудесен што сѐ уште работи подобро од нас, еволуцијата е тешко да се победи – изјави професорот Нејсмит за Би Би-Си.

Професорката Шина Крукшенко, имунолог од Универзитетот во Манчестер, рече дека новиот развој е возбудлив, но дека сѐ уште е рано.

– Ни требаат повеќе податоци за ефикасноста и за безбедноста пред да преминеме на тестирање на луѓе. Но и покрај тоа, многу ветува и предност е фактот што може да биде евтин и лесен за употреба – вели таа, додавајќи дека за жал, ковид-19 ќе биде со нас некое време, па затоа ќе бидат потребни повеќе третмани.

Професорот Нејсмит и неговите соработници, кои го објавија своето истражување во списанието „Нејчр Комуникејшнс“, се согласуваат дека, дури и со успехот на вакцините против корона, ефективниот третман во иднина ќе биде исклучително важен.

– Целиот свет не е вакциниран со иста стапка и останува ризик од нови соеви, способни да ги заобиколат имунолошките реакции на вакцината – рече тој.