ВО КОСОВО Е ПОТВРДЕН ПРВИОТ СЛУЧАЈ НА МАЈМУНСКИ СИПАНИЦИ Пациентот е во стабилна состојба
Случајот се однесува на 30-годишен маж, државјанин на Косово, кој беше хоспитализиран по враќањето од западноафриканска земја, со симптоми како треска, осип на кожата на лицето и на рацете, како и чешање, соопшти Националниот институт за јавно здравје на Косово.
Националниот институт за јавно здравје на Косово (НИЈЗК) соопшти дека Лабораторијата за микробиологија го потврди првиот увезен случај на мпокс (поранешно име: мајмунски сипаници).
„Случајот се однесува на 30-годишен маж, државјанин на Косово, кој беше хоспитализиран на Клиниката за инфективни болести на УКЦК на 24 декември 2024 година, по враќањето од западноафриканска земја, со симптоми како треска, осип на кожата на лицето и рацете и чешање“, соопшти НИЈЗК.
Пациентот е во стабилна здравствена состојба, се додава во соопштението.
НИЈЗК ги следеше сите контакти на пациентот и на членовите на неговото семејство, на кои им беа дадени препораки за превентивни мерки и контрола на инфекцијата, изјавија од Институтот.
НИЈЗК ги предупредува граѓаните на внимателност, истакнувајќи дека заболените од Mpox обично имаат лесни до умерени симптоми кои траат од 2 до 4 недели и целосно закрепнуваат.
Иако е потребна претпазливост, нема причина за паника, порачаа од Институтот.