ВО КАРПОШ УАПСЕНА ТИНЕЈЏЕРСКА БАНДА Биле насилни и ограбувале во Градски парк
Одземеното било пронајдено и вратено на сопственикот, а лицата биле задржани во полициска станица, соопштија денеска од МВР.
Полициски службеници вчера во скопската населба Карпош уапсија шестмина тинејџери: Г.Ш.(19), Р.М.(18), Н.Т.(18), како и тројца малолетници, сите од Скопје.
Можеби ќе ве интересира
Тие се сомничат дека завчера околу 19.30 часот во Градски парк на подрачје на Карпош со закана, од А.Т.(20) од село Ржаничино, скопско, одзеле пари и личен предмет. Одземеното било пронајдено и вратено на сопственикот, а лицата биле задржани во полициска станица, соопштија денеска од МВР.
Во апсењето учестувале полициски службеници од ЕВР Карпош и од Единицата за интервентна полиција при СВР Скопје. По целосно документирање на случајот, во координација со јавен обвинител, ќе биде поднесена соодветна пријава, информира МВР.