📽 ВО ГРЦИЈА СЕ КРЕВА ПАНИКА, МОЖЕ ДА УСЛЕДИ ГОЛЕМ ЗЕМЈОТРЕС НА САНТОРИНИ Властите испратија спасувачи на островот
Ништо не треба да се исклучи. Бројот на потреси се зголеми, јачината се зголеми, а епицентрите се префрлија на североисток. Иако ова се тектонски земјотреси, а не вулкански, нивото на ризик ескалира, изјави професорот по геофизика на универзитетот „Аристотел“ во Солун, Костас Папазахос, говорејќи за можноста да уследи огромен земјотрес по стотиците регистрирани земјотреси на островот Санторини.
Грчките власти затворија школи и испратија спасувачки тимови, специјални сили, шатори и дронови на островот Санторини откако во областа беа регистрирани стотици тресења, објави британски Гардијан.
Поради стравувањата дека би можел да уследи голем земјотрес, а со тоа и цунами, луѓето се советуваат да ги избегнуваат крајбрежјето и напуштените згради, да ги испразнат базените и да не се собираат во голем број во затворени простори.
Crowds of people, distressed and scared, rush to board the first ship of the day, that arrived at the port of Athinios in Santorini, Greece. 🇬🇷🇬🇷🇬🇷 #Earthquake #Volcano #Kolumbo
See more 👉 https://t.co/Qnw2usvoUE pic.twitter.com/gtsyL4iu2b
— LeanneSpurs 🇬🇧 (@LeanneSpurs) February 3, 2025
Предупредување е издадено и за неколку околни острови кои, исто така, се популарни летни туристички дестинации.
– Ова се мерки од претпазливост. Властите остануваат на штрек. Ги молиме луѓето да се придржуваат до безбедносните препораки – изјави министерот за цивилна заштита, Василис Кикилијас.
На островот пристигнаа пожарникарски екипи со кучиња-трагачи и се поставени шатори на отворени простори.
Во изминатите 3 дена, во областа на Санторини биле регистрирани повеќе од 200 земјотреси, со јачина до 4,7 степени според Рихтеровата скала. Иако експертите велат дека земјотресите не се поврзани со заспаниот вулкан на Санторини, тие признаваат дека образецот на сеизмичката активност е доста загрижувачки.
– Ништо не треба да се исклучи. Бројот на потреси се зголеми, јачината се зголеми, а епицентрите се префрлија на североисток. Иако ова се тектонски земјотреси, а не вулкански, нивото на ризик ескалира – изјави професорот по геофизика на универзитетот „Аристотел“ во Солун, Костас Папазахос.
На Санторини се случила една од најголемите вулкански ерупции во историјата, Санторини, исто така, е најпопуларниот грчки остров во Егејското Море и лани привлекол околу 3,5 милиони туристи.
200 ЗЕМЈОТРЕСИ ЗА 48 ЧАСА НА САНТОРИНИ Се затвораат училиштата, се откажуваат собирите