Во дупката на плоштад Шилегов ќе гради базен

„Секое лошо за добро е“ – ќе рече Владо Јаневски во еден свој голем хит, позајмен од друг поголем хит и ќе испадне во право.  Така и денес, несреќата што утрово се случи на главниот плоштад во Скопје, во која возач на метларка пропадна сосе машината во подземната фонтана под споменикот на анонимниот Воин на коњ, ќе стане една поинаква приказна откако градоначалникот Шилегов нареди дупката да не се затвора, туку да се искористи за веднаш да се почне со изградба на нов градски базен во строгиот центар на Скопје.