🎥 ВНУКОТ НА ЏОН КЕНЕДИ ВО ТРКА ЗА ПРЕТСЕДАТЕЛ НА САД За потпретседателка ја кандидира поранешната газдарица на Гугл
Роберт Кенеди јуниор кој влегува како независен кандидат на претседателските избори во САД и даде доверба на правничката од Калифорнија Никол Шанахан која е поранешна сопруга на основачот на Гугл, Сергеј Брин.
Независниот кандидат на претстојните претседателски избори во САД, Роберт Кенеди јуниор одлучи во својата изборна трка, како потпретседателка да ја кандидира правничката од Калифорнија, Никол Шанахан.
Кенеди, кој е внук на поранешниот американски претседател Џон Кенеди, се обидува да се претстави како алтернатива на кандидатите Џозеф Бајден и Доналд Трамп и да го искористи незадоволството на електоратот кон двајцата противници, надевајќи се дека ќе биде избран за прв независен кандидат за претседател на САД.
RFK Jr. Announces His VP https://t.co/28MMUmYUSa
— Robert F. Kennedy Jr (@RobertKennedyJr) March 26, 2024
Шанахан (38) претходно беше регистрирана како поддржувач на Демократската партија, од која истапи и Кенеди, а според податоците за финансирање на кампањата, таа била донатор на кампањите на Хилари Клинтон и Питер Бутиџиг.
Get to know my running mate, Nicole Shanahan:https://t.co/8deogGhnXP pic.twitter.com/fZM3HZKexQ
— Robert F. Kennedy Jr (@RobertKennedyJr) March 26, 2024
Таа е претседателка на приватната фондација „Биа-еко“, која им помага на жените да се породат на постара возраст и се бори за реформи во кривичното право. Шанахан, која е поранешна сопруга на основачот на Гугл, Сергеј Брин, никогаш претходно не се кандидирала за ниту една политичка функција.