Внимавајте во сообраќајот, снег има на планинските превои

Сообраќајот на државните патишта се одвива без забрани, по влажен коловоз. Врнежи од снег има на Стража, Пресека, Маврово, Попова Шапка, Плетвар, Кула и Крива Паланка – г.п. Деве Баир, соопшти АМСМ.

Поради појава на магла, видливост на планинскиот премин Ѓавато е намалена на 20-50 метри.

АМСМ информира и дека за македонски државјани се затворени сите гранични премини за излез од државата. Затворени се сите гранични премини за влез во државата за странски државјани, патници и возила, освен за транзит на товарни возила, за претставници на дипломатскиот кор и тие кои што ќе добијат соодветна дозвола од страна на МВР, а по претходно добиено мислење од страна на главниот координативен штаб.

Интензитетот на сообраќај на патните правци надвор од градските средини е умерен.