ВНИМАВАЈТЕ НА ПАТИШТАТА Снег провејува на Стража, во Маврово и на Попова Шапка

Сообраќајот на државните патишта се одвива тековно во зимски услови, по претежно влажни коловози. Слаб снег провејува на Попова Шапка, Маврово и на планинскиот превој Стража, соопшти Авто мото сојузот.

Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони.

За возачите е задолжително поседувањето зимска опрема во возилата, без оглед на временска состојба