Внимание: Автомобилите „Тесла“ не разликуваат жолто светло од полна месечина!

Сте размислувале ли некогаш да купите „Тесла Модел 3“? Можеби последните „гличови“ на нивниот автопилот ќе ве премислат во одлуката.

Додека американецот Јордан Нелсон шибал со 100 км/час, неговата „Тесла“ продолжила „право на жолто светло“, не разликувајќи ја полната месечина од семафор. Но, за среќа, не загрозила ниеден живот, пренесува Футуризам.

За грешката возачот веднаш му се пожалил на Илон Маск на Твитер, но одговор уште не добил.

Видете го неговото видео на Твитер, каде се гледа како автопилотот мисли дека месечината е серија на бесконечни жолти светла.

Hey @elonmusk you might want to have your team look into the moon tricking the autopilot system. The car thinks the moon is a yellow traffic light and wanted to keep slowing down. 🤦🏼 @Teslarati @teslaownersSV @TeslaJoy pic.twitter.com/6iPEsLAudD

— Jordan Nelson (@JordanTeslaTech) July 23, 2021

Ова не е првпат автопилотот на „Тесла“ да препознава бои или натписи за сообраќајни знаци. Пред некое време, еден возач се жалеше дека неговиот автопилот кочи секојпат кога ќе види билборд на кој е напишано „Стоп“. Билбордот бил за некој реклама, а компјутерот едноставно ги чита буквите.

Видете го постот на човекот кој се жалеше за билбордот.

⁦@karpathy⁩ ⁦@elonmusk⁩ ⁦@DirtyTesla⁩ here is a fun edge case. My car kept slamming on the brakes in this area with no stop sign. After a few drives I noticed the billboard. pic.twitter.com/DbANt4yVHG

— Andy Weedman (@andyweedman) April 14, 2021

Се чини дека развивањето на автономна кола е потешко и поопасно одошто се мислеше. Колата на човекот што возел на полна месечина можела наеднаш да сопре на „жолто светло“, а претходно „Тесла“ веќе демонстрираше други вакви грешки. На пример, во следното видео, автопилотот нагло ја свртува колата токму во правецот каде има најмногу сообраќај.