ВМРО-ДПМНЕ ВЕЛИ ДЕКА СТРАВОТ Е ЗА ГУБЕЊЕ ТЕНДЕРИ СДСМ ги плаши граѓаните со лепење етикети

СДСМ само ги плаши граѓаните со лепење етикети на ВМРО-ДПМНЕ, велат од партијата и повторно нагласуваат дека е формирано мнозинство за пад на владата на Зоран Заев.

„ВМРО-ДПМНЕ останува посветена на европската агенда на државата. Насочени сме кон борба со корупцијата и криминалот, раст и развој на економијата и ефикасен правен систем. Тоа се начелата за кои се бориме и кои ќе ги применуваме. СДСМ ги плаши граѓаните со лепење на етикети на ВМРО-ДПМНЕ, но реалноста е дека СДСМ се плашат само да не ја загубат фотелјата. Борбата на СДСМ е за криминал и тендери“, се наведува во соопштението.

Од ВМРО-ДПМНЕ повторуваат дека ќе се обидат да формираат влада, но доколку таа не гарантира дека може да се спроведат потребните реформи, тогаш треба да се оди на предвремени парламентарни избори