ВМРО-ДПМНЕ: СДСМ ќе направи дупка од 1 милијарда евра во државната каса
Партијата која ветуваше 5-7% раст на БДП годишно, сега ѝ приредува дебакл на економијата, која е на шкрги веќе подолг период, велат од ВМРО-ДПМНЕ.
ВМРО-ДПМНЕ смета дека буџетската дупка ќе достигне 1 милијарда евра, поради лошото менаѓирање од страна на владата на СДСМ.
– Зоран Заев и Нина Ангеловска пет пати го менуваат ставот за кондицијата на македонската економија, за да признаат на крајот дека се соочуваме со катастрофа – велат во соопштението на ВМРО-ДПМНЕ.
Можеби ќе ве интересира
Од партијата сметаат дека државата е донесена до питачки стап.
– СДСМ не се водеше од интересот на народот, туку од теснопартиските пресметки. Економијата е целосно притисната и без изгледи за раст. Партијата која ветуваше 5-7% раст на БДП годишно, сега ѝ приредува дебакл на економијата, која е на шкрги веќе подолг период – велат од ВМРО-ДПМНЕ и додаваат дека оваа власт треба да замине.
