БОЛНИТЕ ПЛАЌААТ ОД СВОЈ ЏЕБ ЗА ПРАЗНИЦИТЕ ВМРО-ДПМНЕ реагира за затворените пунктови за вакцини и за тестови

Бројката на болни од корона се движи кон 10.000 лица. Бројката на починати надмина 8.000 лица. Венко Филипче и Зоран Заев ќе бидат запаметени по негативни рекорди. Македонија е високо петто место на светската листа на починати, а во Европа е на четврто, реагира ВМРО-ДПМНЕ.

„Филипче и Заев ги затворија вакциналните пунктови, но и оние за тестирање, па граѓаните се принудени од свој џеб да ги плаќаат тестовите по приватни лаборатории. Или џабе одвојуваат од својот џеб за здравствено осигурување. Плаќаат тестови, плаќаат тестови, а плаќаат и за лекување“, додава ВМРО-ДПМНЕ.

Од партијата велат дека само за овие три празнични дена има околу 3.000 заболени.

„Јасно е, интересот на Филипче и Заев беше само за нивните бизнис интереси, односно корупција и криминал. Тешко дека и Димитар Ковачевски и неговиот тим ќе направат нешто поинаку, нешто за граѓаните. За соодветна грижа за граѓаните треба план и негова реализација. За тоа треба избори и нова влада, а по изборите сите што ги заборавија граѓаните и се грижеа само за личните интереси, корупција и криминал ќе одговараат“, се додава во партиското соопштение.