ВМРО-ДПМНЕ ПРАШУВА Како перките од ајкула станаа брашно, детска храна, конзерви…?
Опозициската партија смета дека е мизерно што поскапува и храната за децата – гризот, овесните снегулки, муслите, сладоледот, еурокремот, сите видиви бонбони, чипсот, сите чаеви, тропското овошје, сите видово сушено овошје, сусамот, сончогледот, инстант кафињата, наполитанките, црниот бибер, мастиките, најголем дел од зачините.
Перките од ајкула, станаа брашно, сирење, конзерви, детска храна, Димитар Ковачевски ги поскапе сите производи за да го полни буџетот за крадење, реагира опозициската ВМРО-ДПМНЕ на зголемувањето на ДДВ од 5 на 10% за оддрелни прехранбени производи.
„Владата лажеше кога велеше дека ставката на ДДВ од 10% ќе биде само за луксузни производи како перки од ајкула, наеднаш луксуз за оваа влада станаа брашното, џигерот и сладоледот. За власта богати се сите граѓани кои јадат замрзнатите теста, млечни и сирни намази, сирење и урда, зденка, пармезан, ајдемер и гауда кашкавал, павлака за готвење, растителните сирења и намази, па затоа истите ќе треба да плаќаат по 10% ДДВ за овие производи. Не знаеме како и лутеницата, цвеклото, фефероните, мајонезот, сите видови апетисани, компоти, конзервирана храна, полнети макарони, тортиљи, нудли станаа луксуз според Ковачевски, па народот ќе треба да ги плаќа поскапо“,се наведува во реакцијата.
Од ВМРО-ДПМНЕ велат дека е насфатливо зошто се поскапува и храна за деца.
„Мизеријата на владата оди до таму што поскапуваат и храната за децата – гризот, овесните снегулки, муслите, сладоледот, еурокремот, сите видиви бонбони, чипсот, сите чаеви, тропското овошје, сите видово сушено овошје, сусамот, сончогледот, инстант кафињата, наполитанките, црниот бибер, мастиките, најголем дел од зачините.Ова е резултат на влада која изгубила допир со реалноста, ова е резултат на влада која се заборавила во крадење на народни пари, и заборавила како живее мнозинството од народот. Потребни се промени. Секој ден поминат со оваа власт е полош за Македонија“, се наведува во реакцијата.