ВМРО-ДПМНЕ ОБВИНИ ДЕКА ВЛАСТА НЕ МИСЛИ НА НАРОДОТ Додека тие се луксузираат, 35 отсто од граѓаните станаа сиромашни

Додека власта се луксузира, над 35 отсто од граѓаните се во ризик на сиромаштија, обвини денеска ВМРО-ДПМНЕ.

Од партијата велат дека процентот на растот на инфлацијата е поголем од растот на платите во Македонија, а со тоа целосно е уништен стандардот на граѓаните.

– Власта на СДСМ и ДУИ ги интересира само луксузирањето на нивните функционери. Енормни суми се трошат за гоштевање, нов возен парк за министрите и директорите, нов мебел, а за граѓаните зголемување на цените на сите неопходни продукти. Граѓаните тонат во сиромаштија. Поскапувањата на основните продукти за 30-50 отсто, лебот на над 110 отсто, на горивата за над 70 отсто, а цената на струјата за 30 отсто  додатно удираат по џебот на граѓаните – велат од партијата.

Според ВМРО-ДПМНЕ, мерките за справување со кризата на власта се нецелосни и задоцнети, а тоа го покажуваат и бројките.

– Над 35 отсто од населението во државата е во ризик на сиромаштија, секој ден имаме десетици фирми кои ставаат клуч на вратите и стотици луѓе кои ја се отпуштаат од работа – велат од партијата.

Оттаму и со став дека лошата слика во економијата и катастрофалните економски политики доказ се процентот и бројките по растот на БДП за 2021 година.

-Македонија е закована на дното во регионот со само 4 отсто раст на БДП. Споредбено со другите земји каде што Косово во 2021 има раст на БДП  од 10,53 отсто, Албанија има раст 8,54 отсто, а Србија има раст од 7,40 отсто.Сите економски показатели се во негатива, но само долгот на државата кој го генерира оваа власт е во раст. Со оваа власт државата ја надмина психолошката граница на над 61% и надмина над 7 милијарди евра. Со оваа криминалната власт секој граѓанин во државата е задолжен за над 3.500 евра – велат од ВМРО-ДПМНЕ.