ВМРО-ДПМНЕ: Нека ја извадат главата од песок и ќе видат дека има 40 новозаразени
Прес-конференциите на владеачката партија, партијата која ја предводи владата веќе не се ни смешни, туку се повеќе трагични. На вакви бројки Заев турка на сила избори, со тоа народот го турка во гилотина, се вели во партиското соопштение на ВМРО-ДПМНЕ.
Денеска СДСМ излезе со прес-конференција која е дел од рубриката верувале или не, со која се фали за начинот на справување со здравствената криза, наведено е во соопштението на ВМРО-ДПМНЕ.
„Едно нешто е очигледно – или не се информирани или се со главата во песок. За каква координираност во здравствениот систем зборуваат?! Нека ја извадат главата од песок и ќе видат дека само за едно деноноќие има 40 новозаболени. Оваа бројка покажува дека се им е надвор од контрола. И не само новозаразени, туку повторно има и зголемување на бројката на починати. Прес-конференциите на владеачката партија, партијата која ја предводи владата веќе не се ни смешни, туку се повеќе трагични. На вакви бројки Заев турка на сила избори, со тоа народот го турка во гилотина“, се вели во партиското соопштение.