ВМРО – ДПМНЕ: Народот не е виновен, власта е неспособна да се справи со коронавирусот

 Македонија под власта на СДСМ има најлоши резултати во борбата против коронавирусот. Власта не треба да ја бара вината кај народот, властите се неспособни да се справат со короната, реагира ВМРО – ДПМНЕ.

„Додека другите држави во окружувањето и по 10 тина дена немаат регистрирано ниту еден нов случај, Македонија бележи и ново заразени и нови смртни случаи. Словенија, Хрватска и Црна Гора немаат нови случаи повеќе од 10 дена. Македонија иако имаше ригорозни мерки не се справи со вирусот. Не се справи заради лошиот менаџмент на владата. Лекарите, медицинските сестри и болничарите сами си купуваа заштитна опрема. Државата буквално беше оставена на милост и немилост. Неспособноста на СДСМ за која сега виновни се граѓаните кои ги затворија како во притвор два месеци дома ќе ги чини токму граѓаните 1.3 милијарди евра до крајот на годината, за кои државата ќе треба да се задолжи“, се вели во реакцијата. 

ВМРО ДПМНЕ, се вели во партиското соопштение, е различно од СДСМ. Со СДСМ и Заев, добивме хибриден режим, неспособност, криминал и сиромаштија.

„За целиот неуспех и некадарност сега го обвинуваат народот. Не можат сами да се сносат ниту со сопствените грешки.СДСМ ја урива државата. Со ноншаланиот и неодговорен однос на СДСМ не можеме понатаму. Потребна е итна стратегија за обнова на Македонија. ВМРО-ДПМНЕ знае како.“