ВМРО-ДПМНЕ: Каде се Заев и неговите потпретседатели да му оддадат почит на Гоце Делчев?
Оттаму сметаат дека, имаме Влада која не ги почитува дејците кои дале живот за денешната слобода, државност и темелите врз кој што овие вредности почиваат.
Владата должи објаснување какви обврски имале Зоран Заев и нејзините бројни потпретседатели што не можеле да оддадат достојна почит на херојот Гоце Делчев, реагира ВМРО-ДПМНЕ.
Според ВМРО-ДПМНЕ, акт на непочитување и вистински скандал е што на свеченото положување на цвеќе пред споменикот на Гоце Делчев во Скопје не најде за сходно ниту еден пoвисок претставник на владата да се поклони и оддаде почит на великанот.
-Жално е што тие кои што треба да го бранат делото и заслугите на Гоце Делчев во преговорите со источниот сосед не најдоа за сходно да се поклонат пред неговиот споменик на Денот на револуционерната борба 23 октомври.Тоа покажува дека премиерот Зоран Заев, Радмила Шекеринска и Никола Димитров се статисти во процесот и немаат елементарна почит кон заслугите на револуционерното движење и херојот Гоце Делчев – велат од ВМРО-ДПМНЕ.
Оттаму сметаат дека, имаме Влада која не ги почитува дејците кои дале живот за денешната слобода, државност и темелите врз кој што овие вредности почиваат.