ВМРО-ДПМНЕ до Спасовски: Лажеш како твојот идол Заев

Оливер Спасовски лаже како неговиот идол Зоран Заев. Веднаш ги погази флоскулите кои самиот ги кажуваше на прес конференцијата. Тој е носител на листа на СДСМ, а прес конференцијата во Владата ја искористи за пласирање на празни партиски флоскули и манипулации, обвини опозициската ВМРО-ДПМНЕ преку соопштение.

„Владата која тој ја води ја злоупотреби за да носи уредби со законска сила во време на епидемија со коронавирус со кои наместо да помага на граѓаните овозможуваше бизнис интереси на лица од неговата партија. Дополнително создаде нерамноправни услови во кампањата со што се фрла дамка на целиот изборен процес. Оливер Спасовски и Зоран Заев покажаа дека не се грижат за здравјето на граѓаните и нивните животи со неодговорноста и неспособноста. Заштитата на криминалот им беше приоритет, наместо правдата. Организираност покажаа само во криминалот и корупцијата, а Македонија ја оставија да тоне во корупција, рекети и изнуди. СДСМ, Спасовски и Заев покажаа дека можат единствено повеќе криминал, можат повеќе корупција и можат само порази. Да ставиме крај на виткањето кичма. Исправи се Македонијо! Одбери обнова!“, се вели во соопштението.