ВМРО-ДПМНЕ: Дизелот ќе поскапи 4 денари за плаќање на тендерите на Рашковски
Од партијата пресметале и дека со новиот данок кој се воведува за покривање на трошоците за непотребни работи на власта годишно од џебот на народот ќе се извадат 54 милиони евра.
Со ребалансот на буџетот Зоран Заев предлага воведување на нова давачка за дизел горивата од 4 денари. Тоа се 4 нови денари, кои трајно ќе ја зголемат цената на дизелот за да се покријат тендерите на Драги Рашковски, обвинува ВМРО-ДПМНЕ.
– Народот ќе плаќа поскап дизел затоа што Заев ја втурна државата во долгови, а данокот на дизелот има за цел покривање на долговите и дупката во буџетот која ја направи тој. Државата тоне во долгови, затоа што парите наместо да се трошат за капитални инвестиции, се трошеа за тендери за набавка на непотребни работи, или со преплаќање на потребни ствари.Народот ќе плаќа поскап дизел затоа што Рашковски со државни пари си го купувал сопствениот патент, затоа што Ден Дончев трпаше туциња пари во торба, затоа што преку тендери се набавуваа противпожарни возила со скали двојно поскапи од тоа што плаќале државите од регионот – велат од ВМРО-ДПМНЕ.
Од партијата пресметале и дека со новиот данок кој се воведува за покривање на трошоците за непотребни работи на власта годишно од џебот на народот ќе се извадат 54 милиони евра.