ВМРО-ДПМНЕ: Денеска има 31 мртов од корона, дали Филипче сè уште смета дека има услови за избори во Штип?
Словенија која по број на жители речиси колку и Македонија, досега има направено 447.973 тестови, односно 215.470 на милион жители, што е околу 35% повеќе тестирани од Македонија, соопшти ВМРО-ДПМНЕ.
Денеска има 31 мртов човек од корона, 31 семејство се завиени во црно. Неспособниот Венко Филипче треба да одговори дали сè уште смета дека има услови за избори во Штип кога нема ден, а да нема двоцифрена беојка на мртви од корона. Неговите грешки ги покрива земјата, се вели во соопштението од опозициската ВМРО-ДПМНЕ.
„Филипче треба да даде оставка затоа што: Во Македонија бројката на починати е пет пати поголема од онаа на светско ниво. Или во Македонија бројот на починати лица на милион жители е 646, додека, пак, бројот на починати лица на милион жители, на светско ниво е 171. Македонија е на дно по бројката на тестирани лица. Колку за илустрација, Словенија која по број на жители речиси колку и Македонија, досега има направено 447.973 тестови, односно 215.470 на милион жители, што е околу 35% повеќе тестирани од Македонија. Токму поради сите овие факти и поради тоа што граѓаните се оставени сами на себе, одговорност мора да има“, наведено е во соопштението.