ВМРО-ДПМНЕ: Аудио снимката е доказ дека Спасовски и Заев го нарачале приведувањето на Стефан
Ова е доказ дека Заев и Спасовски ги ставиле во неблагодарна положба и полициските службеници кои морале да ги извршуваат нивните нарачки. Тоа што МВР молчи е обид за стишување на скандалот, реагира ВМРО-ДПМНЕ.
Аудио снимката од приведувањето на Стефан е доказ дека се работи за нарачка на Спасовски и Заев. Од фрапантната аудио снимка направена при апсењето на Стефан Калошев се слуша како полицискиот службеник го малтретира, тепа и пцуе, тврди ВМРО-ДПМНЕ.
– Ваквиот однос на МВР на Спасовски со протестантите е доказ дека се работи за наредба и нарачка на Заев у Спасовски. Кога полициските службеници беа прашани има ли основ за уапсењето, одговорот беше сигурно има, ова можеа да го слушнат сите од снимките кои беа емитувани во медиумите. Ова е доказ дека Заев и Спасовски ги ставиле во неблагодарна положба и полициските службеници кои морале да ги извршуваат нивните нарачки. Тоа што МВР молчи е обид за стишување на скандалот. Поднесена е претставка до Одделот за внатрешна контрола во МВР и очекуваме санкција и извинување. ВМРО-ДПМНЕ не се плаши, а ниту народот се плаши. 4 години Заев, 4 години украден живот. Доста е! – се вели во реакцијата на ВМРО-ДПМНЕ.