ВЛАСТА ЈА РЕАКТИВИРА ОПЕРАЦИЈАТА „АТЛАНТИК“ Обид за „давење“ на Мицкоски и на ВМРО-ДПМНЕ за уставните измени

Според свиркачи во службите за безбедност, луѓе од најголема доверба на врвот на СДСМ и ДУИ, во соработка со шефот на државата Стево Пендаровски, ја реактивираат операцијата ,,Атлантик“, која беше спроведувана во 2017 и 2018 година, со цел изолација на сите ентитети кои се противеа на Преспанскиот договор, тврди порталот Експрес.

Според информацијата на свиркачи, слично како и пред 5 години, сега таргет на службите за безбедност се претставници на политички партии, јавни, личности, новинари, бизнисмени кои се противат на уставните измени.

Целта е да преземат мерки кон опозицијата и да изградат перцепција дека про-руски структури влијаат во раководството на ВМРО ДПМНЕ и опозицијата да не се промени Уставот, обврска која владата на СДСМ и ДУИ, без консензус со опозицијата ја презема и за која нема двотретинско парламентарно мнозинство.

„За потребите на операцијата се користат Агенцијата за национална безбедност (АНБ) и Агенцијата за разузнавање (АР).
Луѓето кои се под оперативна обработка се следени физички и преку електронски комуникации а им се проверуваат и сите контакти што ги имале со години“, тврди Експрес.

Луѓе во СДСМ тврдат дека ВМРО-ДПМНЕ наскоро ќе се соочи со силен притисок од западен ,,дипломатски булдожер”, додава порталот.