🎥 „ВЛАДАТА ВИ Е НА 500 МЕТРИ“ Данела ги пречека демонстрантите со контра-протест
Студентите побараа бесплатен превоз како што им е ветено. Се пожалија дека подолго време доцнат на факултет и побараа итно да се среди јавниот превоз во градот.
Градоначалничката Данела Арсовска ги пречека денеска студентите кои протестираа пред Град Скопје со транспарент на кој пишува „500 милиони денари се должат на ЈСП од Влада за бесплатен студентски превоз“ и со насоки дека Владата се наоѓа на 500 метри од седиштетот на Градот.
Студентите побараа бесплатен превоз како што им е ветено. Се пожалија дека подолго време доцнат на факултет и побараа итно да се среди јавниот превоз во градот.
– Поради лични или партиски препукувања, студентите и средношколците не смеат да трпат. Тие не смеат да трпат во текот на училишната година, ниту пак студентите за време на колоквиумската сесија – рече Александар Николовски од УКИМ.
Студентите упатија апел до Арсовска да се набават нови автобуси и да се воведат нови линии. Да се завршат сите почнати инфраструктурни решенија и да се понудат алтернативни решенија за превоз. Да се изгради градска железница, како и пруга до скопскиот аеродром, но и да се заврши БРТ.
На протестот се приклучија и средношколци. Од Сојузот на средношколци нагласија дека овој сериозен проблем особено ги засега средношколците, правејќи го секојдневното патување до училиштата низ градот сè потешко.
– Веќе две години Сојузот на средношколци се занимава со проблемот со градскиот превоз да биде фер за сите средношколци. Јавен превоз да користат и учениците од приватните средни училишта, а во последно време превозот не може да го користи никој од учениците. Во секој клас може да се види дека половина од учениците не се дојдени на време. Тоа е жално што учениците не можат поради превозот да дојдат на часовите – рече Берин Мухамед, претседател на Сојузот на средношколци на Македонија..
„Како млади луѓе кои директно се засегнати, бараме итни и одржливи решенија за враќање на јавниот превоз и обезбедување еднаков пристап до образование за сите ученици. Сојузот останува посветен на застапување на правата и потребите на учениците и обезбедување дека нашите гласови ќе бидат слушнати за прашања кои го засегаат нашето образование и секојдневен живот“, соопшти претходно Сојузот.
View this post on Instagram