Владата одобри продолжување на грејс периодот за кредити

На денешната владина седница беше донесена одлука за продолжување на рокот на отплата кај кредитите од Посебниот кредитен фонд (ПКФ)-ковид 1, од Фондот за Енергетска ефикасност, односно продолжување на грејс периодот не повеќе од три месеци, како и соодветно продолжување на рокот на отплата на главницата не повеќе од три месеци.

– Владата го задолжи Министерството за финансии да склучи Анекс кон Договорот за администрирање на посебниот кредитен фонд (ПКФ) бр.21-307/1 од 24.01.2011 година со кој ќе се овозможи, на барање на крајните корисници да може да одобрува продолжување на грејс периодот не повеќе од три месеци, како и соодветно продолжување на рокот на отплата на главницата не повеќе од три месеци – информираа од владината прес-служба.

Владата ја задолжила Развојната банка на Северна Македонија на компаниите од приложените список 1, список 3 и список 4 кои не ги склучиле договорите за кредит и не воспоставиле обезбедување да им дадат дополнителен рок од 10 дена за склучување на договорите за кредит и воспоставување на обезбедување, по што доколку не постапат ќе се смета дека се откажале од склучувањето на договорот и се бришат од списоците на одобрени кредити.