Владата одобри набавка на 200 респиратори
Интервентна набавка на респираторни машини за време на пандемијата на коронавирус, со која се уредуваат условите и постапката за итна набавка на 200 респиратори при вонредна состојба, е уредбата која ја усвои Владата на вечерашната седница.
Можеби ќе ве интересира
За оваа набавка Министерството за здравство ќе објави јавен повик на својата веб-страницата, кој ќе трае 72 часа од моментот на неговото објавување, информираат од владината прес-служба.
Оценка на пристигнатите понуди ќе врши тричлена Комисија од редот на вработените административни службеници формирана од Министерството за здравство, се наведува во соопштението од Владата.