ВЛАДАТА И ГРАД СКОПЈЕ ЈА СТЕГААТ СЛАВИНАТА, МУЦУНСКИ СЕПАК ГРАДИ Нова инвестиција во Лисиче со општински пари
По десет години Лисиче добива нов мултифункционален спортско-рекреативен комплекс, инвестиција целосно обезбедена од општина Аеродром.
До почетокот на летото ќе биде изграден нов мултифункционален комплекс во Лисиче. Во овој дел од општинатa Аеродром повеќе од 10 години немало ваков вид инвестиција – место за рекреација, за одмор, за спортски и за рекреативни активности. Овој комплекс ќе има посебно детско игралиште, посебно спортско игралиште и мал плоштад.
Ова вчера го соопшти градоначалникот Тимчо Муцунски, на почетокот на градежните работи. Тој нагласи дека инвестицијата е целосно на општина Аеродром.
Лидерот на ВМРО-ДПМНЕ Христијан Мицкоски рече дека владата континуирано и посебно за општина Аеродром ги намалува дотациите.
– Нема никаква поддршка, ниту од владата ниту од Град Скопје, иако беше многу ветувано, посебно од Град Скопје за Аеродром – рече Мицкоски и додаде дека со новата влада на ВМРО-ДПМНЕ, многу голем дел од капиталните проекти кои не биле во програмата, а кои граѓаните им се потребни и ги бараат, ќе бидат реализирани.