ВЛАДАТА ЌЕ ПЛАЌА 10 МИЛИОНИ ЕВРА ПОВЕЌЕ ЗА САЈБЕР БЕЗБЕДНОСТ Најниската цена била критериум на тендерот, ама не била важна за конечната одлука
Следните 3 години лиценците за софтверот на институциите ги обезбедува компанијата „Аитоникс“ од Скопје. Компанијата и досега имаше договор со Владата за истата намена.
Следните 3 години владата ќе плаќа 10 мииони евра повеќе за сајбер безбедност на институциите.
Генералниот секретаријат на Владата склучи договор за софтверски лиценци со друштвото за производство, трговија и услуги, „Аитоникс“ од Скопје.
Договорот, кој е објавен на системот за јавни набавки, е со вредност од 1.520.343.083 денари со вклучен ДДВ или 24.721.026 евра и е пресметан во долари.
Претходно Владата имаше договор со истата компанија со вредност од 15 милиони евра.
Според она што е објавено на системот за јавни набавки, на тендерот учествувале уште две компании „Комтрејд“ од Скопје и „Телелинк бизнис сервис“ исто така од Скопје.
Интересно е што овој пат најниската понуда не била релевантна при одлучувањето на тендерот иако била главен критериум. Најниската понуда изнесувала 21.191.062 евра.