ВЛАДАТА Е ОДГОВОРНА ЗА ЈСП, ТРОШЕШЕ НА МОРСКА ХРАНА И НА САЕМИ Советникот од Левица потсети дека во Белград „отидоа“ 400.000 евра

„Владата е одговорна за ситуацијата со ЈСП. Додека троши за подмирување на сметки за струја на приватни лица, додека троши за оружје купено од САД – 300 милиони евра секоја година, додека троши за бифтеци, за морски плодови, за саемот во Белград, каде се шетаа владините претставници и партиски кадри на СДСМ и ДУИ, каде се потрошени дури 400.000 евра“.

Вака зборуваше Реџеп Исмаил, советник на Левица на денешната седница на Советот на Град Скопје.

– Додека нашите претпријатија кубурат со буџетите, вие се истрчавте да давате пари за Украина. Додека тука ви гори домот, вие одите да помогнете во комшии. Тоа нема никаква логика – подвлекува Исмаил и додава:

– Потоа, она што Владата го правеше со антикризните мерки каде што ги субвенционираше фирмите блиски до нив, а граѓаните немаа никаков бенефит. Ова асостојба е нотирана во последниот извештај на Европската Комисија каде што се вели дека приходот на буџетот во Македонија. Зошто? Затоа што Владата досега ги надминуваше своите ингеренции и даваше пари на страна во други општини наместо во Град Скопје – рече Исмаил, а следуваа бурни реакции во советот и општа какофонија.